GE CHA 1446

ქართული ხელნაწერთა კოლექცია

ეროვნულ არქივში 900-ზე მეტი ქართული ხელნაწერია დაცული

საქართველოს ეროვნული არქივის საისტორიო ცენტრალური არქივი

ეროვნული არქივის საისტორიო ცენტრალურ არქივში ქართულ ხელნაწერთა ერთ-ერთი ყველაზე დიდი კოლექციაა დაცული. საერო თუ სასულიერო ჟანრის ბიბლოლოგიური, ლიტურგიკულ, აპოკრიფილი, ჰაგიოგრაფიული, ჰომილეტიკური, ეგზეგეტიკური, საისტორიო, მხატვრული თუ სხვა ჟანრის თხზულებების შემცველი ხელნაწერების საერთო რაოდენობა 900-ს აჭარბებს, რომელთა ქრონოლოგიური ჩარჩოები IX-XX საუკუნეეებს შორის მერყეობს.

განსაკუთრებით უნდა აღინიშნოს ილუსტრირებული ხელნაწერები: სხვადასხვა პერიოდში საუცხოოდ შესრულებული მინიატურები და გაფორმებები. ეტრატსა თუ ქაღალდზე შესრულებული მრავალფიგურული თუ ერთფიგურიანი მინიატურები, თავსამკაულები და საზედაო ასოები ქართული ხელნაწერის მინიატურისა თუ შემკულობის საუკეთესო ნიმუშს წარმოადგენს.
ცალკეა აღსანიშნავი პალიმფსესტები, რომელთა ქვედა ფენის ზედა ქრონოლოგიური ზღვარი VIII-IX საუკუნეებით განისაზღვრება.

ხშირ შემთხვევაში კოლექციაში შემავალ ხელნაწერებში დაცულია ტექსტები, რომელთა გადაწერის ტრადიცია ადრევე გამქრალა.

IX-XX საუკუნეები

ფონდში დაცული მასალა სხვადასხვა ზომისაა. ფორმატის თვალსაზრისით არის როგორც კოდექსის, ისე გრაგნილის სახით. ძირითადი ენა - ქართული