GE CHA 1446_1_1

მარხვანი

საქმე

საქართველოს ეროვნული არქივის საისტორიო ცენტრალური არქივი

მარხვანი, XVIII-XIX საუკუნეებში კარგად მიღებული და დამკვიდრებული ლიტურგიკული კრებული. ცხრაოდიან სისტემაზე ტრადიციულად გაწყობილი მარხვანი მცირე ზომის შემდეგ საგლობლებსაც შეიცავს: წარდგომები, იბაკოები, სტიქარონები. ძველი და ახალი აღთქმის საკითხავები (კონკრეტული თავები საწინასწარმეტყველოდან, სახარებიდან და სამოციქულოდან) თავიდან ბოლომდე გახსნილი სახითაა წარმოდგენილი. სხვა საგალობელთა შორის კრებული, ასევე, შეიცავს შიომღვიმელის საგალობლებსაც, რაც ღირებული მასალაა ადგილობრივი ეკლესიის წმინდანის შესახებ ლიტურგიკული მსახურების მწირი ისტორიის აღსადგენად. მეხუთე კვირის ხუთშაბათიდან კი ჩართულია ანდრია კრიტელის "სინანულის საგალობლების" ერთ-ერთი რედაქცია.

მარხვანი თითქმის მთლიანადაა მოღწეული, აკლია პირველი კვირის დასაწყისი და მთავრდება ბზობის კვირის ოთხშაბათით.

ხელნაწერი ეროვნულ არქივში შემოსულია 1924 წელს თელათგორის (აღმოსავლეთ საქართველო,ქ ართლი) წმიდა თევდორეს ეკლესიიდან. ხელნაწერს აქვს სხვადასხვა დროს შესრულებული როგორც ქართული, ისე აღმოსავლური მინაწერები

XVIII საუკუნე

ძირითადი ენა - ქართული. 150 ფ. კოდექსი. 30.5X20.9; მელანი - შავი, წითელი; სათაურები და საზედაო ასოები - სინგურით. აქვს მუყაოს ახალი, რესტავრირებული ყდა. კალიგრაფია - ნუსხური. საზედაო ასოები მთავრულით. ტექსტი ნაწერია ორ სვეტად. პაგინაცია - რვეულებრივი; ნაკლული. გადამწერი - პავლე (96v)